पावन मधुर परम प्रसाद

 

Lyrics :- पावन मधुर परम प्रसाद

पावन मधुर परम प्रसाद
ख्रिस्त विराजे मम हृदयात...(२)

आनंदाचे आले भरते
ख्रिस्त सखा माझा मज भेटे
पार निघाला सकल विषाद
पावन मधुर परम प्रसाद
ख्रिस्त विराजे मम हृदयात

पावन माझी तनू जाहली
शतदिप माला हृदी उजळली
प्रेमाश्रू येती नयनात
पावन मधुर परम प्रसाद
ख्रिस्त विराजे मम हृदयात

प्रभुरायाची शुभद पाऊले
सेवाया मज भाग्य लाभले
भाग्यवंत मी थोर जगात
पावन मधुर परम प्रसाद
ख्रिस्त विराजे मम हृदयात

मी पण माझे हळूच सरले
ख्रिस्त स्वरूपी मिळून गेले
नुरली कसली आस मनात
पावन मधुर परम प्रसाद
ख्रिस्त विराजे मम हृदयात

पावन मधुर परम प्रसाद
ख्रिस्त विराजे मम हृदयात