प्रार्थना प्रार्थना देवा तुला ही

Lyrics :- प्रार्थना प्रार्थना देवा तुला ही

 

प्रार्थना देवा तुला ही तूं सदा जवळी रहा
मी जिथे जाईन तेथे प्रेम दृष्टीने पहा ||ध्रु.|| 

 

मी जिथे जाईन तेथे प्रेम दृष्टीने पहा...(१)

 

प्रार्थना देवा तुला ही...

 

दुःख जेंव्हा दाटूनिया भार होतो अंतरी
मी कसे विनवूं तुला रे धांव तूं गरुडापरी
 संकटांशी झुंजण्याला हात दे मजला दहा ||१|| 

 

मी जिथे जाईन तेथे प्रेम दृष्टीने पहा...(२)

 

प्रार्थना देवा तुला ही...

 

स्वैर वेगे जीवनाचा धावतो रथ सारखा
 संयमाचा पथ ही माझा लोचनांना पारखा..
 सारथी होऊन आता आवरी अपघात हा ||२||

 

मी जिथे जाईन तेथे प्रेम दृष्टीने पहा...(२)

 

प्रार्थना देवा तुला ही...

 

आस नाही मज कशाची खंत नाही मानसी
 तूं नभाच्या लोचनांनी सर्व कांही जाणसि
 देह हा कर्मात सरूनी सफल होवो जन्म हा ||३||

 

मी जिथे जाईन तेथे प्रेम दृष्टीने पहा...(२)

 

प्रार्थना देवा तुला ही...